S{PRTS News– Igapatigayon sa Hulyo 20 sa Malacañang Palace ro pagpanupod it mga cash incentives sa masobra 500 nga medalist nga mga atletang nagpasakop sa South East Asian Games (SEA Games) ag ASEAN Para Games nga ginpatigayon sa Cambodia.
Personal nga ipasaalima ni Pangueong Ferdinand Marcos Jr ro nasambitang mga cash incentives.
Ginpahayag ni Philippine Sports Commission (PSC) Chairman Richard Bachmann nga eubus nga nagakalipay ro presidente sa padayon nga pagta-o it kadungganan sa nasyon it mga atleta sa pamaagi it pag-angkon it mga medalya.
Kapin sa P60 milyon ag P14 milyon nga cash bonuses para sa SEA Games ag ASEAN Para Games medalist ro igapanupod nga nakabaehag sa Republic Act 10699 ukon ro Expanded National Athletes and Coaches Incentives and Benefits Act.
Ro nasambitang pondo hay halin sa cash income it Philippine Amusement and Gaming Corporation (PAGCOR) nga ginta-o sa National Sports Development Fund (NSDF) it PSC.
Madumdumang sa SEA Games hay humakot ro Pilipinas it 58 gold, 85 silver ag 117 bronze medals samtang sa ASEAN Para Games hay may unang 34 gold, 33 silver ag 50 bronze medals.
