Kalibo, Aklan-Nagapati si Malay Mayor Frolibar Bautista nga bangud sa convenience ukon kasoehayan nga ginatau sa mga turista ag biyahero rason nga dagsa ro mga pasahero sa caticlan airport sa banwa it Malay.
Suno kana nga posibleng ginapamatian eamang it mga airline companies ro demand it andang mga pasahero.
Sambilog suno kana sa mga rason it pagnaba it numero it mga korean tourist nga nagabakasyon sa boracay hay bangud sa andang reklamo nga masyadong maeayo ro kalibo international airport sa isla kumpara sa ibang tourist destination sa nasyon.
Madumduman nga pagkatapos it pandemya, amat-amat nga naapektuhan ro air travel demand sa Kalibo International airport matapos nga mas ginapili it mga turista nga direktang mag-agi sa Caticlan airport nga pilang kilometro eamang ro kaeayuon halin sa caticlan jetty port.
Nauna eon nga gin-engganyo it sangguniang panlalawigan ro mga airline companies nga dugangan ro numero it mga domestic flights sa paeuparan it kalibo agud nga indi maapektuhan ro ekonomiya it banwa.
Base sa record, antes ro pagtama it pandemya, kapin sa 30 nga international flights ag 10 nga domestic flights ro naga-operate sa Kalibo International Airport, apang makaron hay pilang bato eon lang bangud nga idtu eon nagtumpok sa caticlan airport.
