-- ADVERTISEMENT --
SHOWBIZ News —- Uman nga nagbalik sa Puerto Rico si Tracy Maureen Perez agud nga magpasakop sa 70th Miss World pageant.
Sa anang Instagram page, ginhinyu ni Tracy sa mga Filipino fans ro suporta ag pangamuyo para sa anang pagsabak sa nasambit nga kompetisyon.
Madumduman nga ro 70th Miss World pageant hay ginkansela ko December 2021 matapos nga ro pilang kandidata ag staff it pageant hay nag-positibo sa COVID.
Bangud kara, napilitan si Tracy nga uman nga magbalik sa Pilipinas halin sa Puerto Rico kasunod it postponement.
Si Tracy hay gin-koronahan nga Miss World Philippines 2021 ko October it nagtaliwan nga dag-on.
-- ADVERTISEMENT --
Ro Miss World 2021 Finals hay pagahiwaton sa March 17, Huwebes nga adlaw, PH time.
