Ginpasiguro ni Pangueong Ferdinand Marcos Jr., nga insigida kara nga trabahuon ro kinahang-eanon nga pondo para sa mga lugar ag rehiyon nga naapektuhan it kalamidad.
Personal nga nakit-an it presidente ro sitwasyon it mga nabahang lugar sa camanava area.
Ginpahayag pa it presidente, makaron nga nakit-an nana ro grabeng halit sa lugar hay sayod eon sigon kara kon paanu ilatag ro release package para sa mga naapektuhang lokal nga gobyerno.
Bukon eamang it sa National Capital Region suno kana nagakinahang-ean it pondo para solusyunan ro naging epekto it kalamidad kundi maging sa region 3 ag calabarzon.
Iga presinta sigon nanda raya sa Department of Budget and Management (DBM) ag manduan nga ipaguwa ro pondo para magamit eon it mga lokal nga gobyerno sa andang kinahang-eanon.
Nagapangunang gustong masolusyunan it Presidente hay ro pagbaha sa camanava nga maskin uwa it bagyo hay nagakatabo bangud sa nasamad nandang navigational gate sa Navotas.
