Ginpasiguro ni Pangueong Ferdinand Marcos Jr., nga nagapabilin nga malig-on ro Pilipinas sa pagtib-ong it rule of law ag tawhanong kinamatarong nga pundasyon it pangmabuhayang kalinungan, seguridad, ag kaumwaran sa kalibutan.
Ginhimo it Presidente ro anang pahayag sa anang diskurso sa UN General Assembly nga ginpatigayon sa UN Headquarters sa New York.
Ginpunto ni Pangueong Marcos nga ro pagtingob it nasyon sa United Nations, 80 anyos eon ro nakataliwan hay nakabase sa ginapatihang rule of law ro giya sa mga pangkalibutanong kaangtanan.
Gin-insister it Punong Ehekutibo nga padayon nga ginasunod it Pilipinas ro multilateralism, ro UN Charter ag ro United Nations Convention on the Law of the Sea.
Dugang pa it Presidente, nagapabilin nga nakatutok ro nasyon sa diplomasya ag matawhay nga pagresolba it mga alitan, samtang ginarespeto ro soberanya, integridad, ag patas nga kinamatarong it tanan nga estado.
