Nagpaabot it hantop sa tagipusuon nga pagpanginbulahan si Pangueong Ferdinand Marcos Jr. sa bag-ong Prime Minister it United Kingdom nga si Keir Starmer ag sa Labour party nga nagdaog sa kakatapos nga 2024 general election.
Ginpahayag it presidente nga handom nana ro kadaeag-an it bag-ong gobyerno it United Kingdom ag nagaeaum nga kapin pang magapabaskog sa madaeom ag malig-on nga relasyon it Pilipinas ag United Kingdom.
Nabilog ro diplomatic ties sa tunga it Pilipinas ag United Kingdom ko July 4, 1946 base sa statement nga ginpaguwa it Presidential Communications Office.
Pormal nga ginaduso it United Kingdom ag Pilipinas ro pagpabaskog pa it defense, maritime ag trade ties sa idaeom it enhanced partnership agreement ko Agosto 2023 sa tunga it mga nagatuhaw nga geopolitical ag economic challenges nga ginapangatubang sa rehiyon.
Samtang, suportado it United Kingdom ro posisyon it Pilipinas sa isyu sa West Philippine Sea nga sambilog sa nagakondena sa mapeligro ag escalatory tactics it Chinese vessels kontra sa Pilipinas.
