KALIBO, Aklan–Madinaeag-on nga na-rescue it Philippine Coast Guard ro sangka mangingisda sa baybayon nga sakop it Romblon nga nauna eon nga naireport nga missing ko Hulyo 27.
Suno kay Eulogio Quinto III it PCG Aklan, nasapwan ro mangingisda nga si Ramel Soliva it Brgy. Bugtong-Bato, Ibajay sa nasambit nga baybayon nga nakahigot sa anang boya agud nga inde eon pag-anuron it mabaskog nga baeod tuga it habagat.
Sa imbestigasyon it PCG Aklan, nasamaran sigon it baroto si Soliva samtang nagapauli halin sa anang pagpangisda rason nga eubus nga nagkabaeaka ro anang pamilya ag insigidang nagreport sa mga otoridad.
Ro PCG Aklan hay gilayon man nga nagpatigayon it search and rescue operation kon siin madinaeag-on nga nahaw-as ro mangingisda ag una eon raya sa maayos nga kondisyon ag eowas nga nakauli sa andang panimaeay.
