Sangka 38-anyos nga eaeaki sa venezuela ro gin aresto matapos nga magpakuno-kuno nga doktor ag magpatigayon it contraceptive implant surgery nga stick it lollipop eamang ro ginabutang sa eawas it pasyente .
Ginreklamo si jose Daniel lopez it masobra sa 25 nga kababayin-an bangud nga gina-implant kara nga lollipop stick sa andang butkon .
Suno sa sangka nagreklamo, nagpakilaea nga sangka OB gyn si lopez ag nagpatigayon raya it “implanon” procedure sa baratong kantidad.
Ro implanon hay sangka contraceptive implant kun sa siin ginabutang ro sangka maisot nga device sa sueod it panit it butkon .
Ro maisot nga device hay naga release it hormones nga nagapugong sa pagnabdos it babaye .
Ulihi eon kat natukiban it mga biktima ni lopez nga peke ro implanon ro ginbutang kanda kat sambilog sa anang mga pasyente hay gulping nagnabdos .
Maskin sigon ro anang mister hay nakibot .
Kat magpatan-aw imaw sa matuod nga doktor natukiban nga stick it lollipop eamang gali ro gin implant sa anang butkon.
Magkapareho it korte ag sukat ro implanon ag ro stick it lollipop .
Nagkalhit sa social media websites ro scam ni lopez ag raya ro naging rason agud nga magpanago raya sa el castano , Aragua .
Insigida man imaw nga nadakpan it mga otoridad .
Antes nga magpakuno-kuno nga sangka doktor, nasayuran nga pilang dag-on eon nga nagatrabaho sa health center sa La Victoria, Venezuela si lopez ag idtu imaw naka- antiguhan nga magpatigayon it medical procedures .
Sa makaron, nakakulong si lopez samtang gina bista ro anang kaso
