NATIONAL News —- Dapat eon nga magpahaum ro Pilipinas sa posibilidad it panibag-ong COVID-19 surge sa masunod nga daywang buean eabi eon kon matapos ro May 9 Elections.
Raya ro ginpahayag ni Acting World Health Organization Representative to the Philippines, Dr. Rajendra Yadav matapos ro nakitang sangkiri nga pagtaas it COVID-19 cases sa nasyon.
Suno kay Yadav, bilang preparasyon agud nga malikawan ro posibleng uman nga pagtaas it COVID-19 cases hay dapat magsuksok ro tanan it facemask ag magpa-booster shots.
Ginpamilit it WHO official ro importansiya it padayun nga recalibration it COVID-19 response samtang gina-rekomenda man nanda ro house-to-house vaccination, para sa mga owa pa nabakunahan.
Umpisa sigon makaron nga Abril hasta Mayo hay magadungan ro Semana Santa ag Ramadan it mga Filipino mag-eowas pa sa mga election-related activity umpisa ko Pebrero 8 rason nga eauman pa ro pagbuhos it mga tawo.
Nauna eon nga ginpahayag it Infectious Disease Expert nga si Dr. Rontgene Solante nga ro mga pagdueutdutan sa campaign activities ag nagahina nga immunity it mga tawo nga owa pa it booster ro mga posibleng maging rason it panibag-ong COVID-19 surge.
