Ro Kitti’s hog-nosed bat ukon mas kilaea sa tawag nga Bumblebee Bat hay bukon eamang it world’s smallest bat, raya man ro ginakilaea it mga zoologists bilang pinakamaisot nga mammal sa bilog nga kalibutan.
May masobra sa 1,200 species it kuyapnit sa bilog nga kalibutan , apang ro pinakamaisot nga specie kara hay makit-an eamang sa mga kuweba sa Thailand ag Myanmar.
Sa sobrang isot kara, masarangan nanda nga magpahuway sa tudlo it sangka average-size human.
Ro pinakamabahoe nga Bumblebee Bat hay may sukat eamang nga 3.3 centimeters ag may timbang nga 2 grams.
May wingspan raya nga 17 centimeters.
Natukiban ro mga Bumblebee Bat ko 1973 it Thai mammologist and ornithologist nga si Kitti Thonglongya sa sangka kuweba sa Kanchanaburi, Western Thailand.
Umpisa kato, naging tourist attraction eon ro mga kuweba idtu nga gina-istaran it mga Bumblebee Bat.
Bangud sa pag-eapnaag it turismo sa lugar, nadisturbo ro kaabuan sa mga habitat it Bumblebee Bat ag ginakabaeak-an nga maging rason raya it andang extinction.
Sa makaron, masobra sa 45,000 ro numero it mga Bumblebee Bat ag gina-obra it Thai government ro tanan agud nga maprotektahan ro mga raya agud nga indi maubos ro andang lahi.
