Ginakonsidera it Philippine National Police (PNP) ro paggamit it mga digital activity para sayuron ro ginakahimtangan ni dating presidential spokesperson Atty. Harry Roque.
Pahayag ni PNP spokesperson Police Colonel Jean Fajardo, nga nagahimo it mga tikang ro andang Anti-Cybercrime Group para sayuron ro ginakahimtangan ni Roque.
Sambilog sa mga pamaagi kara hay para sa pagsayod it IP address ni Roque apang indi raya basta mahimo bangud kinahangean pa it request sa mga telcos.
Mabahoe man ro pagpati kara nga sa Pilipinas pa gihapon si Roque.
Matandaan nga nagpaguwa it arrest order ro House of Representatives kontra kay Roque bangud sa uwa kara pag-adto ag pasumite it mga dokumento sa ginhimo nanda nga public hearing nga may kaangtanan sa online gaming scam operations.
Gin-adtunan it mga kapulisan ro baeay ni Roque apang napaseawan sanda nga makita raya.
