Nagpaandam si Pope Francis, ro naging unang pontiff nga nag-atubang sa sangka Group of Seven summit sa mga pinuno it kalibutan nga inde dapat pasugtan ro Artificial Intelligence nga magpanguna sa sangkatawuhan.
Ginpahayag dugang it Santos Papa nga ro Artificial Intelligence hay nagarepresentar sa sangka “epochal transformation” para sa sangkatawuhan apang gin-insister ro kinahang-eanon para sa maeapit nga pagdumaea sa padayon nga nagaumwad nga teknolohiya agud mapabilin ro kabuhi ag dignidad it tawo.
Ginkilaea ni Pope Francis ro “ambivalence” nga nakapalibot sa Artificial Intellegence nga nagahambae nga pwede raya nga magtao it inspirasyon sa kinagamo ag paeaparon ro access sa kasayuran sa bilog nga kalibutan.
Gin-insistre it Santos Papa ro potensyal it Artificial Intelligence nga obligahan ro mga hilimuon nga masinsinang paghimo ag magtuga it sangka “exponential advancement” it siyentipikong pagpanaeawsaw apang ro mga makina hay pwede man nga makapanlinlang sa paghatod it saea nga impormasyon.
