-- ADVERTISEMENT --
Nagpatigayon eon it pagtuon ro DENR agud nga masayuran kon may peligro sa ikamayad nga eawas ro marble toys ukon holen.
Raya hay kasunod it pahayag it ban toxics nga makahieilo ro holen bangud sa gina angkon kara nga cadmium base man sa andang kaugalingon nga pagtuon.
Suno kay Ban Toxics Campaigner Thony Dizon, dapat masayuran it publiko ro peligrong daea it mga holen nga nababakae eang sa mga baraka ag posibleng magtuga it cancer kon makaangkon it exposure kara.
Nauna eon nga ginpahayag it ban toxics nga ro mga holen nga andang gin-usisa hay owa it required labeling information nga kinahangeanon base sa Republic Act 10620 ukon Toy and Game Safety Labeling Act of 2013 nga peligroso sa mga inunga nga nagahampang kara.
