Nakataeanang igapatigayon makaron nga adlaw it Lunes it Department of Justice (DoJ) ro preliminary investigation sa murder complaint nga gindihon kontra sa self-confessed gunman nga si Joel Escorial ag tatlo pa karang kaibahan sa pagpatay sa radio broadcaster nga si Pervical Mabasa nga kilaea man sa pangaeang Percy Lapid.
Suno sa DoJ, ro preliminary investigation kontra kay Escorial, Israel Dimaculangan, Edmund Dimaculangan ag kay certain Orly hay igatigayon bandang alas-10:00 makaron nga agahon.
Ko Oktubre 19, ginkumpirma ni Southern Police District chief Police Brigadier General John Kirby Kraft nga nagpasaka eon sanda it murder complaint kontra kay Escorial ag Dimaculangan brothers maging ro ginatawag nga kay Orly.
Ro tatlong suspek nga ginapahayag nga kaibahan ni Escorial hay nagapabilin sa gihapon nga at-large.
Samtang, ginpahayag man ni Kraft nga ro Lapid killing case hay naresolba eon bangud nga nakialea eon ro suspek ag sa kustodiya eon it mga otoridad.
