NATIONAL News — Ginklaru ni Presidente Ferdinand Marcos Jr. ro nangin rason it pagbisita it mga unga ni Kris Aquino kay First Lady Liza Araneta Marcos.
Suno sa presidente nga ginbuligan it Unang Ginang si Kris sa sangka travel arrangement matapos nga magpangayo kana it bulig.
Dugang pa ni Marcos nga raya ro kabangdanan kon ham-an nga personal nga nagpasaeamat ag nagdaea it regalo sanday Josh ag Bimby sa opisina it First Lady.
Makabig suno kana nga raya hay sangka human interaction eamang sa tunga it mag-pamilya bangud nga tago sa kasayuran it kaabuan, mag-igbata sanday First Lady Liza ag Kris.
Tiya sigon ni First Lady Liza ro asawa it magueang ni dating Presidente Cory Aquino nga si Don Pepe.
Suno kay Marcos, antes pa man ro mga owa pagka-ilintidihan sa patag it pulitika, mayad man ro relasyon it mga Aquino ag ko mga Marcos.
Nasayuran nga nakibot ro publiko kat mag-upload sa social media si First Lady Liza it mga litrato kara kaibahan ro daywang ka unga ni Kris ag ginpasaeamatan pa ro mga raya sa andang pagbisita.
