KALIBO, Aklan — Ginakabaeak-an nga domoble ro presyo it tinuean-on sa isla it Boracay ag kabiserang banwa it Kalibo tuga it nagalala nga El Niño Phenomenon sa nasyon.
Suno kay Nestor Cesar, presidente it Barangay Mobo Farmers Cooperative sa Kalibo nga haeos 90 it andang mga miyembro hay temporaryong nagpundo sa pagtanom it tinuea bangud sa kakueangan it maboe-an it tubi.
Nasayuran nga ro nasambitang barangay ro nagapangunang ginaboe-an it supply it tinuean-on para sa Boracay ag Kalibo.
Mag-eowas kara, ginaeauman eon sigon ro pagtaas it presyo it tinuea makaron nga tyempo it Semana Santa tuga it mataas nga demand ag manabang supply.
Naangdan it mga Katoliko nga magkaon it tinuea ag isda kada adlaw it Biyernes bilang kaparte it tradisyunal nga pagpuasa sa tyempo it Kuwaresma.
