Positibo ro epekto ku pagdonar ag pagbaton it dugo.
Raya ro pahayag ni Ace Phil Florencio, Blood Donor Recruiter of Red Cross Aklan.
Pagsaysay nana nga pwede man magdonar ro mga 16-65 years olds nga donor, ro bug-at hay indi magnaba sa 50 kilos ag dapat nga normal ro blood pressure.
Paglinaw nana nga dapat kumpleto ro tuoeg, gakaon it mayad, iwasan man ro pagkaon it matambok ag bisyo adlaw bag-o ro pagdonar it dugo.
Dugang pa ni Florencio nga may proseso man sigon nga paga-agyan bago maging kwalipikado ro mga interesado magdonar it dugo.
Pagpasalig ni Florenicio nga maabo man nga proseso bago maging kwalipikado, makadonar ag maggamit ro mga dugo.
Paglinaw nana nga ginatest ukon gina-assess man ro mga dugo bago man nga itayon sa mga blood reciever.
Ro card man sigon hay pwede magamit it mga nagdonar nga kinahang-ean man it dugo sa ulihi.
Palig-on pa nana nga magdonar pa it dugo bangud nga abo man sa gihapon ro nagakinahang-ean it dugo sa bilog nga nasyon nga Pilipinas.
Raya nga mga pahanumdom hay may kaangtanan sa paeaabuton nga Dugong Bombo 2023 it Bombo Radyo Philippines ag Bombo Radyo Foundation Incorporated kaibahan man ro Philippine Red Cross.
