National News———-Nakalista ro Department of Health (DoH) it record high nga 17,231 nga dugang nga kaso it COVID-19 sa nasyon.
Bangud kara, naeampasan eun ro April 2, 2021 nga record nga 15,310, pati eun ro 14,895 new cases nga nairehistro ko August 15, 2021.
Samtang may una man nga 5,595 nga bag-ong nagmayad ag 317 nga bag-ong namatay.
Sa kabilugang numero it mga nailistang kaso sa nasyon, 6.8% (123,251) ro aktibo, 91.5% (1,653,351) eun ro nagmayad ag 1.73% (31,198) ro namatay.
Suno pa sa DoH, tanan nga mga laboratoryo hay operational ko August 18, 2021 samtang may una nga daywang laboratoryo nga owa nakapagsumite it datos sa COVID-19 Document Repository System (CDRS).
Base sa datos sa nagtaliwan nga 14 diyas ro kontribusyon it daywang laboratoryo hay masobra 0.03% sa tanan nga samples nga gintest 0.08% sa tanan ro positibong mga indibidwal.
