BUSINESS News– Makataliwan ro serye it pagtaas sa presyo it mga produktong petrolyo, good news eon man ro nagsub-eang sa mga motorista makaron nga adlaw it Martes.
Raya hay bangud sa ginpatuman nga rollback sa presyo it mga produktong petrolyo.
Nagbawas it 70 hasta 95 sentimos ro kada litro it gasolina, 70 hasta 85 sentimos ro bawas-presyo sa kada litro it diesel ag 70 hasta 95 sentimos sa kada litro man sa presyo it kerosene.
Gin anunsyo it mga kompanya it langis ro price adjustments kahapon nga adlaw it Lunes ag ginpatuman makaron nga adlaw it martes.
Ko nagtaliwan nga domingo hay nagpatuman ro mga kompanya it langis it pagtaas sa presyo it mga produktong petrolyo.
Sa pihak nga parte, nakaangkon man it bawas-presyo sa LPG.
₱3.70 nga kaltas sa presyo it kada kilo it LPG ro ginpatuman it Petron ag Phoenix samtang ₱3.73 sa Solane.
May daywang piso ag pitong sentimos man nga rollback sa Auto LPG ro Petron samtang ₱2.05 sa Phoenix.
