Kalibo Aklan ——-Nagpangayo it bulig sa Bombo Radyo ro sangka grupo it construction workers nga taga probinsya it Iloilo matapos nga mastranded it haeos daywang buean bangud sa ginpatuman nga Enhanced Community Quarantine tuga it coronavirus disease (COVID-19).
Suno kay Eril Jhon Del Rosario it Tabucan, Manduriao, Iloilo City, suportado sanda it pagkaon it andang boss, allowance ag nakabulig dugang ro relief goods nga ginpanupod it Brgy. Poblacion ag Brgy. Bakhaw Sur, Kalibo.
Suno kana, gusto eamang nanda nga makauli sa tagsa nanda ka pamilya matapos nga uwa eon sanda it trabaho iya sa banwa it Kalibo bangud nga ginkueang ro mga raya sa materials ag uwa it delivery.
Ginpahayag dugang nga nakipag-angot eon ro andang pamilya sa mga opisyalis sa andang lugar apang hasta sa makaron hay uwa pa it sabat ro mga raya.
Kumpleto man sigon sanda sa dokumento bilang requirements agud nga makauli sa andang lugar apang ro andang problema hay uwa it nagabyahe kon sa siin sa una nanda nga paghana nga makaeapos sa border control checkpoint hay uwa ro mga raya nakaeosot bangud nga uwa it letter of acceptance sa andang lugar nga ginaulian.
