Sangka multi purpose center ro nasunog pasado alas-9:00, agahon it Miyerkules sa Barangay Bulwang, Numancia.
Nadaeahig sa insidente ro mga nakahilira nga tenant kapareho it japan surplus shop, sangka multi-purpose cooperative, ag motorcycle dealer.
Bangud nga himo sa mixed materials madasig nga nagkalhit ro kaeayo.
Sa mayad nga swerte ag may firewall ro iba pang establisimento rason nga owa eon nagkalhit ro kaeayo.
Pasado alas-11 kat gindeklara nga under control ro sunog nga umabot sa 3rd alarm.
Eubus nga natapna ro sunog bandang ala-1 it hapon matapos ro ginpatigayon nga mapping operation.
Kaibahan sa nagresponde sa lugar ro mga fire truck it bureau of fire protection ukon BFP Numancia, Kalibo, Balete, Banga, New Washington ag iba pa.
Owa man it namatay ukon naninahan sa insidente.
Ginatumod pa ro ginhalinan it sunog, apang ginasugid nga raya hay nag-umpisa sa pwesto nga dating gina-rentahan it sangka Chinese national nga nagkarang sa kisame.
Ro istraktura nga ginaboeobanta nga kapin sa 8,000 square meters ro eapad hay ginapanag-iyahan it pamilya Beltrn.
Sa pihak nga parte, ginpahayag ni Glenn Arguelles , branch manager it Barbaza Multi-purpose Cooperative nga owa it dapat nga ikabaeaka ro andang mga kliyante bangud nga nahimos ro tanan nanda nga mga records.
Dugang pa kara nga nag-umpisa ro sunog sa nalikod nga portion it istraktura.
Sa mayad nga swerte suno kana nga may fire wall ro andang opisina rason nga portion eamang ro nahalitan partikular ro andanng staff house sa second flooR.
Nagapadayun pa ro imbestigasyon it BFP Numancia sa insidente.
