BALITA Espesyal– Sangka llama ro gin-imbitahan agud nga maging kaparte it wedding entourage sa New York, USA!
Sa kagustuhan nga maging “unforgettable” ro andang kasae, naisipan it magkarelasyon nga sanday Adam ag Tara nga mag-imbita it sangka llama para maging sambilog sa mga groomsmen!
Kat masayuran it groom nga si Adam ro angot sa kompanyang Llama Adventures nga nagaparenta raya it llama para sa tanan nga mga events kapareho it wedding, ginhinyu nana sa anang bride nga si Tara nga gusto nana nga makaangkon it groomsmen nga llama.
Nagpasugot man si Tara bangud sa tan-aw nana hay magiging masadya ro andang wedding day sa nasambit nga ideya.
Pag-abot it andang kasae nga ginpatigayon sa Maison Albion, agaw atensyon it andang mga guest kat nag abot ro llama nga si J nga naka-full wedding attire.
Nakasuksok raya it tuxedo, bow tie ag may una pa raya nga pekeng alima nga may buyot nga rosas.
Bangud sa nasambit nga sorpresa, nagahibayag sa bilog nga wedding ceremony ro tanan nga mga guests ag nakaangkon sanda it pila para magpa-picture kay J.
Eo llama nga may scientific name nga Lama glama hay mga mammals nga naghalin sa South America.
Ginagamit ro mga baeahibo it mga llama bilang wool ag ginakaon ro andang karne sa Colombia.
