Ginkalipay ni Senate Committee on Civil Service, Government Reorganization and Professional Regulation Chairman Senator Ramon “Bong” Revilla Jr ro pagpaguwa ni Pangueong Ferdinand R. Marcos, Jr. it Executive Order (EO) nga nagtuyo nga taasan ro suweldo ag benepisyo it mga empleyado sa gobyerno.
Sunod sa Executive Order 64, sakop it salary adjustment ro tanan nga civilian government personnel sa Executive, Legislative, Judicial Branches, Constitutional Commission ag iba pang Constitutional Offices; mga Government-Owned o Controlled Corporations (GOCCs) nga bukon it sakop sa idaeom it RA 10149 ag EO 150 s. 2021; ag local government units — maging ano man ro andang appointment status, maskin regular, contractual o casual, appointive o elective, ag kung full-time o part-time.
Bukod sa updated salary schedule it government workforce, maga baton man sanda it dag unang Medical Allowance nga nagabalor it indi magsubra sa P7,000 halin sa FY 2025 bieang subsidiya para sa andang health maintenance organization (HMO)-type benefit.
Ro mismong Executive Order hay igapatigayon sa ap-at nga parte nga magsisimula sa Enero 1, 2024 para sa unang bahagi, Enero 1, 2025 para sa ikaywa, ag sa ikatlong kahigayunan hay sa Enero 1, 2026, ag para man sa ika ap-at hay sa Enero 1, 2027.
Suno pa kay Revilla, nagakadapat eang nga mataw-an sanda it dugang nga sweldo para pasaeamatan ag taw-an it importansya ro serbisyo ag sakripisyo nanda sa nasyon.
