KALIBO, Aklan—Sigidas ro ginpatigayon nga seaborne patrol it Philippine coast guard ukon PCG-Aklan sa tanan nga mga baybayon agud nga masiguro ro kaeowasan it mga beachgoers kadungan sa selebrasyon it kapiestahan ni San Juan de Bautista.
Suno kay Senior Chief Petty Officer Dominador Salvino, deputy station commander for operations it PCG-Aklan nga raya hay base sa direktiba nga ginpaguwa it andang station commander nga si John Manuel Alep sa tanan nga mga sub-station.
May mga tawuhan ro PCG-Aklan nga naka-deploy sa mga lugar nga kaeabanan nga gina dayo kada San Juan partikular sa banwa it New Washington.
Samtang, gindugang pa ni Salvino nga preparado man ro andang mga floating assets nga pagagamiton sa pagresponde engkaso nga makaangkon it emerhensiya.
Sa isla it Boracay suno kana hay naka-standby ro andang mga speed boat samtang sa banwa it Malay hay ro andang ski ag sa banwa it Nabas hay ro andang aluminum boat.
Kamana man nga motorbanca sa iba pang mga banwa.
