Nagpadaea eon it patrol boat ro mga natungdan para eowason ro mga sakay it sangka Singapore-registered oil tanker nga ginapatihan nga gin-atake it mga pirata.
Raya hay matapos nga mareport nga sakay it mga bukon it kilaeang indibidwal ro oil tanker nga may kaeayuon nga 300 nautical miles maghalin sa Ivory Coast sa Gulf it Gulf of Guinea.
Suno sa Maritime and Port Authority it Singapore, may una nga 20 crew members ro sakay kara nga may nagkaeain-eain nga lahi, ag sambilog sa mga raya hay sangka Singaporean.
Sa makaron hay padayon ro pakikipag-angot it Maritime and Port Authority it Singapore sa tag-iya it nasambit nga barko.
Samtang , indi pa matumod it mga otoridad ro eksaktong lokasyon it nasambit nga oil tanker bangud posible sigon nga ginpatay ro beacon kara.
