KALIBO, Aklan—Nagpangayo it pasaylo si Board Member Atty. Harry Sucgang para sa sangguniang panlalawigan bangud sa gindihon nga kontrobersiyal nga resolusyon.
Ro resolution nga may numero 2020-314 nga gin-author ni SP member Nemesio Neron bilang main sponsor ag si SP member Soviet Russia Dela Cruz ro co-sponsor hay nagapabutyag it pagpasaeamat ag pagdayaw sa mga broadcast stations sa padayun nga pagpaeayag sa kahanginan antes, pagkatapos ag sa mismong adlaw it pagpanaeasa it bagyong Ursula ko adlaw it Paskwa, Disyembre 25, 2019.
Apang, owa nagustuhan it mga estasyon it radyo sa Aklan kaibahan ro Bombo Radyo Kalibo ro kaungdan it nasambit nga resolusyon bangud nga nagatuhaw nga matsa sangka estasyon eamang ro ginataw-an kara it importansiya.
Kunta sigon kon ro resolusyon hay para eamang sa nasambit nga FM station hay owa eon gin-obra nga paaman ro iba pang estasyon.
Aminado si Atty. Sucgang nga sa original draft it resolusyon nga andang gintalakay ko Enero 21, ro DYRU eamang ro gustong pasidunggan ni Neron, apang ginhinyu sigon ni presiding officer Vice Governor Reynaldo Quimpo nga i-eakip lang ro tanan nga estasyon it radyo.
Nagapati si Atty. Sucgang nga nakaangkon it negligence sa parte ni Neron bilang author it resolusyon.
