Nagapabilin nga normal ag bastante ro supply it kuryente sa mainland Malay ag isla it Boracay sa tunga it naeksperyensyahan nga mainit nga panyempo.
Suno kay Malay SB member Vicky Aguirre, nakabaton sanda it update maghalin sa National Grid Corporation of the Philippines ukon NGCP nga fully functional eon ro Unidos-Caticlan 69kV Line matapos nga nakumpleto eon ro restoration works kara makaron nga buean it Marso.
Ginpahayag dugang nga ginkalipay nanda ro nasambit nga balita eabi eon makaron nga maabong aktibidad sa isla it Boracay.
Mabahoe sigon ro demand it kuryente sa isla rason nga kinahang-ean it reliable source of energy kapin eon makaron nga peak season.
Kinahang-ean suno kana nga amligan ro industriya it turismo bangud nga raya ro sambilog sa nagabuhi sa ekonomiya it nasyon.
Nagasalig ro LGU nga ro Nabas-Caticlan-Boracay 138kV Interconnection Project it NGCP hay makata-o it pangmabuhayan nga solusyon sa power supply.
