KALIBO, Aklan–Nagapati si Malay Tourism Officer Felix Delos Santos nga uman nga maapektuhan ro tourist arrivals sa isla it Boracay bangud sa uman nga pagbalik sa Alert Level 3 it National Capital Region ukon NCR umpisa makaron nga adlaw it Lunes, Enero 3 hasta 15 bangud sa pagtinaas it kaso it covid 19 idtu ag paeag it omicron variant.
Apang owa pa sigon nakapaguwa it adoption kara it executive order si Aklan Governor Florencio Miraflores rason nga nagapadayun ro pagbaton it mga turista nga owa it anuman nga age restrictions.
Kilaea suno kana nga family distination ro boracay rason nga kon uman nga pagabawaean nga makabiyahe ro 17 anyos panaba ag 65 anyos pataas hay siguradong uman nga maganaba ro numero it mga bisita.
Nasayuran nga majority sa mga turista nga nagabakasyon sa isla hay halin sa NCR plus.
Raya hay ginsundan it Calabarzon ag Western Visayas.
Samtang, bangud man sigon sa Omicron variant hay napurnada ro pagbaton eon kunta it International tourists sa isla bangud sa travel restrictions.
