-- ADVERTISEMENT --
KALIBO, Aklan–Sambilog ro vehicular accident sa top 5 nga rason it pagkamatay it mga tawo sa bilog nga kalibutan.
Suno kay Dr. Roel Escanillas, Orthopedic Surgeon it Aklan Medical Society nga kaeabanan nga naeakot sa aksidente hay ro mga eaeaki nga ginabilog it 73 porsyento.
Maskin sa probinsya it Aklan nakasueod man raya sa limang ka mga nagapangunang rason it kamatayon ag ginakabig nga global concern.
Base sa datus, ro mga tawo nga naga-edad lima hasta 29 anyos ro masami nga ma-imbolbar sa aksidente.
Ginlaygayan man ni Dr. Escanillas ro mga motorista nga maging responsable ag magdahan sa pagmaneho para makalikaw sa disgrasya.
-- ADVERTISEMENT --
Kamana man nga ugalion ro pagsuksok it helmet ag seat belt para proteksyonan ro kaugalingon samtang nagabiyahe.
