-- ADVERTISEMENT --
Ginpahayag ni Vice President Sara Duterte nga ko nagtaliwan nga dag-on pa nana na-recruit ro anang magiging running mate para sa 2028 presidential elections.
Apang, uwa nana ginbulgar ro pangaean kara agud “maprotektahan” ro pagkakilan-ean.
Madumduman nga ko adlaw it Miyerkules kat ginhambae ni VP Sara nga imaw hay magapailihir bilang presidente sa 2028.
Ginpaathag man nana ro papel it anang vice president, kon engkaso imaw ro magdaog nga magiging responsable sa pagpanabat sa mga nagahimo it saea samtang nakatutok imaw sa obligasyon bilang presidente.
Ginpahayag it Bise Presidente nga nagdesisyon imaw nga mag-anunsyo it temprano bangud sa singgit ag hinyo it anang mga tagasuporta.
-- ADVERTISEMENT --
