Kalibo Aklan ——Nagapanggutok ro locked-up cell it Kalibo Police Station bangud naga-abot sa 20 ka mga indibidwal ro nadakpan kabi-it mga otoridad nga nag-eabag sa COVID-19 curfew ordinance.
Ro mga nasambitang persona hay gin-aresto matapos nga naaktuhan it mga nagapatrolyang kapulisan sa mga nagapangunang karsadahon it banwa it Kalibo nga padayun nga nagawinarang maskin nga oras eon it curfew.
Angot kara, nagapadayun pa sa gihapon ro pilang mga polisiya nga nauna eon nga ginpatuman sa probinsya it Aklan bangud sa Extended General Community Quarantine.
Maeuwas sa curfew hay hugut pa gihapon nga ginamandu ro pagsuksok it facemask it mga pumueoyo sa pagguwa it andang tagsa ka panimaeay ag pag-obserba it social ukon physical distancing agud malikawan nga mahawaan it Coronavirus disease (COVID-19)pandemic.
