KALIBO, Aklan—Umabot eon sa 96.74 porsiyento ro rehistrasyon it mga residente it Western Visayas sa Philippine Health Insurance Corporation (PhilHealth) hasta ko Nobyembre 30, 2025, katumbas it 7,830,132 miyembro ag dependents.
Ginpahayag ni Acting Regional Vice President Lazaro Tabsing nga pamatuod raya sa ginpabaskog nga enrollment drive ag kampanya sa impormasyon it gobyerno para maiduso ro universal health coverage sa rehiyon.
Pinakamataas ro numero it rehistrado sa Negros Occidental nga umabot sa 3,114,561, ginsundan it Iloilo nga may 2,541,317, Capiz nga kapin sa 790,523, Antique nga nagaabot sa 600,353, Aklan nga kapin sa 598,559, ag Guimaras nga una sa 184,819.
Sa makaron, may 751 PhilHealth-accredited healthcare institutions ag 3,277 accredited healthcare professionals sa rehiyon, kaibahan ro Level 1 hasta it Level 3 nga mga ospital, infirmary, ag klinika.
Gin-engganyo it mga opisyal ro mga bukon pa it rehistrado nga magpalista agud makapanipueos sa hospitalization, outpatient care, maternity, ag iba pang medical packages, ag siguraduhon sa mga akreditadong pasilidad eamang magpabueong agud masiguro ro benepisyo ag dekalidad nga serbisyo.
Suno sa mga opisyal, ro padayon nga pagtaas it rehistrasyon hay tikang paadto sa eubus nga universal health coverage ag mas malig-on nga proteksiyong pang ikamayad nga eawas para sa mga residente it Western Visayas.
