KALIBO, AKLAN — Bangud sa kagustuhang mapauntat ro sangka away, sangka barangay chairman ro nagpatunga dahilan nga nawad-an it malay kat hasipa ag hatueop it sangka hilong nga eaeaki sa Roxas Avenue Kalibo, Aklan.
Ro biktima hay gin kilaeang si Felix Nacionales, 47, residente it Brgy. Paningayan, Madalag, Aklan.
Ro suspek nga insigida man nga naaresto it mga otoridad hay gin kilaeang si Rustan Meñez, residente it Brgy. Bulwang, Numancia.
Sa ginpatigayung imbestigasyon it kapulisan, ro insidente hay natabo pasado alas-7:00 it gabie samtang ro biktima naga agi eamang sa nasambitan nga lugar.
Kat makita kara ro daywang kaeaeakihan nga naga einagsan ag naga away hay madasig rayang nagpatunga sa away it daywa nga parehong hilong.
Bangud sa pagpatunga it kapitan, nakibot ro suspek rason nga naakig raya ag gulping tinueop ag sinipa rp biktima nga insigidang naduea-an it malay.
Nadakpan ro suspek sa anang baeay sa gin patigayun nga follow-up operation ng Kalibo Police Station.
