KALIBO, AKLAN — Sangka 19 anyos nga soltero ro gin eu-ok matapos nga magpang-agbay it nobya it iba.
Base sa report, nakaangkon sigon it owa pagkaintindihan ro magnobyo nga sanday Niño James Jorque, 22 anyos ag residente it Brgy. Nalook, Kalibo ag ro 17 anyos nga nobya kara nga residente it Brgy. Andagao.
Sa kasagsagan it andang diskusyon hay nagpaeapit ro biktimang si Nil Ignacio ag insigidang gin agbayan ro babaye ag gin hambaean nga magpakatawhay.
Apang, bangud sa owa raya nakilaea ni Jorque, gilayon kara nga gin euok si Ignacio.
Gin rason it suspect nga tuyo eamang kara nga maprotektahan ro anang nobya.
Ro insidente hay nagtuga it kaguluhan rason nga nagtawag ro mga pumueoyo it police assistance.
Gilayon man nga gin daea sa provincial hospital si Ignacio ag idtu natukiban nga sa idaeom raya it impluwensiya it makahieilong nga ilimnon.
Nakaangkon man it pagpatawaran sa magtimbang nga parte matapos nga mabo-oe ro andang eksplinasyun.
Ro nasambitan nga insidente hay gin pa-record man sa Kalibo PNP Station para sa naga kaigong disposisyon.
