KALIBO, Aklan — Patay ro magmaeanghod nga rider matapos nga bumunggo sa waiting shed ro ginasakyang
motorsiklo sa Brgy. Sigcay, Banga, Aklan.
Gin kilaea ni PO2 Danilo Dalida it Banga Police Station ro mga namatay nga sanday Roy Nabalde, 32 ag Eric Nabalde, 22, puros mga residente it Brgy. Palale, Banga, Aklan.
Suno kay PO2 Dalida, bago ro aksidente hay naghalin sigon ro magmaeanghod sa pakikipag-inuman sa mga katrabaho sa sangka construction site.
Pauli eon ro magmaeanghod apang, pag abot sa kurbadang parte it karsada hay gulpi eon lang ro mga rayang bumunggo sa haligi it sementadong waiting shed.
Gin deklarang dead on arrival sa Aklan Provincial Hospital ro magueang nga si Roy samtang namatay habang gina bueong sa ICU ro manghod nga si Eric tuga it pagkabagok it ueo ag grabeng tama sa magkaeain-eain nga parte it anang eawas bangud sa mabaskog nga impact it pagbunggo sa nasambitang lugar.
