KALIBO, Aklan — Haeos maeantas ro li-og it sangka eaeaki matapos nga eab-un it nakainuman sa Barangay Kinalangay Viejo, Malinao, Aklan.
Ginkilaea ro biktimang si Nilo Bacayo, 48, samtang ro suspek hay si Roland Fernando, 36, parehong residente it nasambit nga lugar.
Base sa report ni SPO3 Rufino Iqueña it Malinao Police Station, natabu ro insidente samtang naga-inuman ro daywa kaibahan ro iba pang kainuman.
Nag-angkon sigon it diskusyunan ro daywa nga nangin kabangdanan nga nagresulta sa pagpang-eabu it suspek sa biktima.
Naaresto si Fernando samtang nagapaeagiew sakay it sangka tricycle kat makasub-eang ro rumesponding pulis sa bahin it Barangay Manhanip, Malinao sa nasambit nga banwa.
Narekober kana ro sanduko nga may habang 27 pulgada nga gin gamit sa krimen.
Kasong homicide ro ginapangatubang it suspek.
