-- ADVERTISEMENT --

KALIBO, Aklan— Patay ro sangka eaeaking nagwala matapos nga makipagbarilan sa mga nagresponding pulis sa Barangay Aglucay, Makato, Aklan.

Ginkilaea ni PO2 James Padasas it Makato PNP ag sambilog sa ap-at nga mga pulis nga nakipagbarilan ro namatay nga biktimang si Cipriano Condez, sa legal nga edad ag residente it nasambitang lugar.

Base sa inisyal nga imbestigasyon it Makato Police Station, nagwala si Condez ag ginhangkat it away ro manghod kara nga si June Condez.

May kaangtanan kara, gilayon nga nagresponde ro mga pulis kon siin ginsug-eaw sanda it eopok it baril it hilong nga biktima gamit ro kalibre 357 rason para barilon raya it mga otoridad.

Nakaangkon imaw it lastro sa waea nga hita ag tuo nga siki binti nga insigidang gindaea sa Aklan Provincial Hospital apang binawian man it hueam nga kinabuhi samtang ginabueong.

-- ADVERTISEMENT --

Samtang, ginklaro it pulisya nga uwa it intensyon ro mga raya nga tamaan sa sentidong parte it eawas ro biktima kundi ro katuyuan eamang sigon nanda hay i-nuetralize imaw.

Sa makaron hay nagapadayon pa ro imbestigasyon it Makato PNP kaangot sa nasambitang insidente.