KALIBO, Aklan—Ginkasugtanan it mga miyembro it Sangguniang Bayan it Kalibo ro paghimo it resolution nga nagasuporta sa ginpagguwa nga Executive Order ni Aklan Governor Florencio Miraflores partikular ro pagpatuman it “no vaccine, no entry policy” sa tanan nga opisina it gobyerno sa bilog nga probinsya.
Raya hay kasunod it padayun nga pagtaas it kaso it COVID-19 daea it Omicron variant.
Tuyo kara nga malimitahan ro paghueag it mga tawo eabi eon ro mga bukon it bakunado.
Base sa pagtuon it mga eksperto, kaeabanan nga naka-eksperyensya it grabeng infection kamana man nga madasig matapnan ro mga owa pa nabakunahan kumpara sa mga fully vaccinated nga indibidwal.
Nauna eon nga nagpatuman it “No vaccine, no entry policy” ro Metro Kalibo Water District (MKWD), Aklan Electric Cooperative (Akelco) ag iba pang establisyemento sa banwa it Kalibo.
