KALIBO, Aklan—Nakataeana nga magapatigayon makarun nga adlaw it simulation exercise ro Aklan Police Provincial Office agud nga preparahan ro posibleng matabo nga natural ukon man made calamities sa tiyempo it eleksiyon.
Suno kay P/Maj. Willian Aguirre it Aklan Police Provincial Office ukon APPO raya man ro andang naisipan nga pamaagi agud nga ma-asses kung mauno eun kahaom ro mga kapulisan sa paeaabuton nga eleksiyon.
Kaibahan sa andang pagapahaom ro mga owa gina-ekspektar nga emerhensiya ag ro posibleng matabo nga massive vote buying kamana man ro pagkasamad it voting machine.
Dikara hay pagapahauman man sigon it mga otoridad kung ano ro andang maibulig sa mga posibleng magiging scenario sa mismong adlaw it 2022 national and local elections.
Sa pihak nga parte, ginpahayag man ni P/Maj. Aguirre nga una makarun sa orange category ro banwa it Libacao.
Raya hay matapos nga masip-eatan it mga otoridad nga may unang mga nagalibot-libot nga mga New People’s Army ukon NPA sa Barangay Dalagsaan ag Manika kun sa siin ginapanan-aw nga puwedi rayang makaapekto sa maayos nga pagpatigayon it pagboeotohan.
