-- ADVERTISEMENT --
KALIBO, Aklan–Uman nga magapadaea it dugang nga package ro Australia para suportahan ro pagdepensa it Ukraine sa nagapadayun nga pag-atake it Russian forces.
Suno kay Bombo International Correspondent Denmark Suede it Sydney, Australia nga nauna eon nga gin-anunsyo ni outgoing Prime Minister Scott Morrison ro pagtao it package sa Ukraine nga nagabalor it masobra 60 million Australian dollars.
Ginakaeakipan raya it 20 ka mga Bushmaster Protected Mobility Vehicle, 14 Armored Personel Carriers, 60 Pallets it medical supplies, 3 Pallets it radiation monitoring equipments ag Personal Protective Equipment (PPE).
Sa kabilugan, naga-abot eon sa masobra 260 million Australian dollars ro ginpaabot nga military aid it Australia sa gobyerno it Ukraine.
