Gintalakay sa plenaryo it Sangguniang Bayan it Kalibo sa ginpatigayon nga session ro ginaduso nga resolusyon ni vice mayor Cynthia Dela Cruz may kaangtanan sa pagkriar it pangmabuhayan nga programa agud nga masolusyonan ro pagbaha-baha sa banwa it Kalibo.
Partikular nga gintumod ro barado nga drainage system sa may bahin it Brgy. Libtong bangud sa stagnant water sa kada pagbubo it uean.
Mag-eowas kara, tuyo man it programa nga maayos ro water waste system it banwa.
Bangud kara, plano it mga opisyal nga mataeanaan it pondo kada dag-on engkaso nga maestablisar ro programa agud nga may magamit sa pag-implementar kara.
Nasayuran nga sa sangkiri nga pagbuhos it uean hay haeos taga buko-buko it siki ro tubi-baha nga nagaperwisyo sa mga tawo partikular sa mga motorista.
