KALIBO, Aklan–Dapat gihapon nga sundon ro nakabaehag sa konstitusyon angot sa pagpatigayun it Barangay ag Sangguniang Kabataan (SK) elections.
Raya ro personal nga panan-awan ni Kalibo Sangguniang Bayan member Augusto Tolentino kasunod it pag-apruba it manabang kapueongan it kongreso sa House Bill No. 4673 nga tuyo nga i-extend ro eleksyon.
Kapin sa 264 ka mga kongresista ro nagpabor nga ipaiway ro eleksyon nga nakataeana kunta sa Disyembre 5, 2022 kung siin igasaylo raya sa Disyembre 2023.
Gin-insister it opisyal nga ro pagpaiway sa eleksyon hay bukon it kagustuhan it mga pumueoyo.
Raya hay bangud klaro nga nakabaehag sa konstitusyon nga hasta eamang it tatlong dag-on ro termino it mga barangay ag SK officials.
Ginpahayag dugang nga ro postponement hay nagahatod eamang it maabu nga gaeastusan sa gobyerno.
Sa makaron, pagabantayan eon lang kung paga-pirmahan ni Pangueong Ferdinand “Bongbong” Marcos Jr. ro nasambit nga hagna.
