Confined sa makaron sa Ibajay Dsitrict hospital ro sangka eaeaki matapos nga ginbueuligan nga ginbuno it daywang suspek sa barangay Unidos banwa it Nabas.
Ginkilaea ro suspek kay Edgar Mark Alvarez, 29 anyos ag residente it Gibon, Nabas.
Sandig sa imbestigasyon it Nabas PNP nga nakit-an it daywang suspek nga ginkilaea kay Jerold Berundo 27 anyos ag Keir Berundo, 25-anyos ag parehong residente it nasambit nga lugar ro biktima ag mga pilang kaibahan kara nga naga baktas pauli.
Nag-agi sigon sa gilid it biktima sakay it motorsiklo ro sambilog sa suspek nga si Jerold ag naka-angkon it pagsinggitan sa tunga it biktima ag si Keir.
Gilayon nga nagpundo ro suspek nga si Jerold sakay it anang motorsiklo ag ginhana nga bun-on ro biktima apang raya hay natigayon nga malikawan it biktima apang owa kara nakit-an ro nagapaeapit sa anang likod nga si Keir ag insigida nga imaw hay ginbuno.
Insigidang nagpangayo it bulig ro biktima ag gilayon man nga nagpaeagyo ro daywang suspek
Naka-angkon it mga lastro sa nagakaeain-eain nga parte it kaeawasan ro biktima.
Samtang, arestado man sa ginapatigayon nga hot pursuit operation it Nabas PNP ro mga suspek.
Sa makaron hay nagapabilin sa paghinakop it Nabas PNP ro daywa ag nagahueat eon lang it nagakaigo nga disposisyon.
