KALIBO, Aklan—Ginakabig ni Atty. Harry Sucgang nga “wrong timing” ro ginaduso nga Maharlika Wealth Fund it gobyerno.
Suno kana, investment sigon raya ag posibleng malugi ag ro makaeoeooy hay ro mga contributors bangud nga ro kwarta nga pagagamiton hay maghalin sa andang tinipon nga gin-invest maghalin sa andang pagtrabaho it maeawig nga dinag-on.
Dapat suno kana nga tun-an raya it mayad it gobyerno bangud nga posibleng makata-o raya it problema sa pilang inadlaw eabi eon kon uwa it maganar sa nasambit nga investment.
Madumduman nga ginpahayag ni House Ways and Means Committee Chair ag Albay Representative Joey Salceda nga target nanda nga maipasa ro proposisyong P275- billion Maharlika Wealth Fund antes mag Christmas break ro House of Representatives sa December 17.
Suno sa economist solon, ro MWF hay makabulig para mas mapabahoe ro investment opportunity it gobyerno.
