Nakabalik eon sa nasyon makaron nga adlaw it Lunes ro Philippine Inter-Agency Humanitarian Contingent matapos ro andang deployment sa Myanmar bangud sa 7.7 magnitude nga linog ko Marso 28.
Ginakaeakipan it 89 nga personnel halin sa nagkaeain-eain nga ahensya it gobyerno ag pribadong sektor ro mga nakataeana nga magauli nga pagasug-aeawon sa Villamor Air Base sa Pasay City.
Ginpakigbahin ni Defense Secretary Gilberto Teodoro Jr. ro pagdayaw ni Pangueong Ferdinand Marcos Jr. para sa contingent group.
Samtang, ginpangunahan ni OCD Administrator Undersecretary Ariel Nepomuceno ro send-off ko Abril 1 ag nagtapos ro misyon it Philippine humanitarian team ko Abril 12 kon sa siin ginpasaeamatan sanda ni Philippine Embassy in Myanmar Charge d’Affaires Angelito Nayan para sa andang tumaeagsahon nga serbisyo.
Sa makaron hay nakapadaea ro Pilipinas it 19,458 pounds it humanitarian aid, kaibahan ro hygiene kits ag mga tarpaulins halin sa ASEAN Coordinating Center for Humanitarian Assistance.
