Nakuhit it Pencak Silat team it Western Visayas ro overall nga kampyonato sa kakatapos eamang nga Palarong Pambansa 2025 nga ginhiwat sa Ilocos Norte.
Suno kay Freddie Jizmundo Sr., coach ag trainer it mga aklanon student-athlete nga nakipagbahin sa nasambit nga kompetisyon, naging masadya sanda sa gintao nga kadungganan it mga atleta bangud haeos tanan sa pencak silat team hay maghalin gid sa Aklan ag daywa eamang kara ro ginbuoe maghalin sa Capiz ag Antique nga nag-tao man it dugang nga medalya sa Region 6.
Paathag ni Jizmundo Sr. hay ro pencak silat hay sangka combative sports it Indonesia nga ro meaning hay “artistic strike”.
Ginpakilaea sigon kana raya it anang son-in-law ku early 1995 ag ana rayang ginobserbahan kun euwas sa mga manughampang. Ku 2009 hay opisyal nana nga gin-baton, ginwelcome ag ginpropagate ro nasambit nga hinampang.
Dugang pa nana nga nakapasueod eon man imaw it mga players sa Palaro Pambansa, Batang Pinoy, ag biskan sa pang internasyonal nga mga atleta. Pag-abot sa training it mga atleta, ginatunguha sigon nanda nga tupungan ro pag-ensayo it ibang nasyon ag gina kondisyon gid nanda bangud may una nga mayad sa training ag nauunahan it kueba sa kompetisyon.
Pahayag dugang ni Jizmundo Sr., sa professional level, may lima eon nga naga compete, halin 2009 hasta makaron. Nakapasueod eon man sigon imaw it player sa Southeast Asian games, Asian games, ag world game, samtnag gina handum man nanda nga maabot ro Olympics.
Apang, posible man nga maeapit eon lang maabot ro Olympics bangud 2 dag-on eon sanda nga naka demo game sa Olympics ag nailaan man raya it ibang nasyon.
Samtang, ginatug-anan sigon nga pagadaehon sa jr. international competition ukon mga school youths ro mga nag-daog nga atleta sa pencak silat.
Ginaengganyo man nana ro mga ginikanan nga ipa-partisipar ro mga inunga sa biskan anong sports para sa personal development ag sa kamaeayran it mga inunga.
