Naga-pati si Department of National Defense (DND) Secretary Gilbert Teodoro nga may pilang pulitiko sa nasyon nga naga-baton sigon it suporta halin sa China agud pabaskugon ro andang operasyon angot it istorya sa West Philippine Sea (WPS).
Sa pagpamati it House Committee on Appropriations, ginhambae ni Teodoro nga may una sandang credible information angot kara, apang uwa sanda it direktang access sa bank accounts it mga pulitikong imbolbado nga posibleng magserbe nga ebidensya.
Nakikipag-angot eon sigon ro DND sa nagkaeain-eain nga law enforcement agencies para imbestigahan ro nasambit nga istorya.
Pilang beses eon nga nag-angkon it bayluhan it pahayag si Teodoro ag ro Chinese Embassy angot it tensyon ag territorial dispute sa West Philippine Sea.
