Nagapati si ACT Teachers party-list Rep. France Castro nga ‘alibi’ eamang ni Vice President Sara Duterte nga may paeag sa anang kabuhi agud nga taw-an it rason ro anang naging pahayag nga nagbo-oe eon imaw it assassin nga gina-alegar nga anang ginmanduan nga pumatay kanday Pangueong Ferdinand Marcos Jr., 1st Lady Liza Marcos ag House Speaker Martin Romualdez engkasong mauna imaw nga ipapatay.
Suno kana nga mahilig ro Bise Presidente nga magbaligtad it mga istorya.
Ro pinaka-isyu sigon kara hay ro anang naging paeag sa kabuhi it tatlong matag-as nga personalidad sa gobyerno.
Engkaso suno kana nga may threat sa kabuhi ni Duterte hay pwede man raya nga mag-report sa mga awtoridad sa baylo nga magpaguwa it pahayag nga nag-hire imaw it hitman.
Sa makaron suno kay Castro hay dere-deretso ro andang mga ginapatigayon nga hearing sa manabang kapueongan it kongreso angot sa confidential funds, extra judicial killings , POGO ag iba pang mga isyu ag owa nagapa-apekto sa drama nga gina-obra it mag-amang sanday dating pangueong Rodrigo Duterte ag VP Sara.
Nagapati man imaw nga unbecoming ro mga ginbuhian nga pahayag it Bise Presidente.
Posible suno kana nga naka apekto raya sa opisina ni Duterte ag bukon it sa gobyerno mismo.
Dugang pa nga medyu malabo eon sigon nga maayos ro dating uniteam it daywang opisyal .
