-- ADVERTISEMENT --
KALIBO, Aklan—Bangud sa sigidas nga pag-inuean daea it epekto it Tropical Storm Kristine, nag-anunsyo eon it suspensyon it klase si Aklan Governor Jose Enrique Miraflores makaron nga adlaw it Miyerkules, Oktubre 23.
Nasayuran nga nauna eon nga nagpaguwa it class suspension ro banwa it Libacao maging ro LGU Numancia, Tangalan, New Washington, Madalag, Banga ag Lezo.
Ginpaidaeom sa Tropical Cyclone Wind Signal Number 1 ro bilog nga probinsya it Aklan.
Mag-eowas kara, gin-abiso man it weather bureau ro yellow rain warning kon sa siin eauman ro maeapnagon nga pag-inuean nga posibleng magaresulta sa pilang mga pagbaha-baha ag landslides partikular sa mga mabukid nga parte it probinsya.
-- ADVERTISEMENT --
