KALIBO, Aklan—Sangka resolusyon ro gindihon it sangka bagitong konsehal nga nagatuyo nga makaangkon it kaugalingon nga ambulance vehicle ro Bureau of Fire Protection ukon BFP-Kalibo.
Ro nasambit nga resolusyon ni SB member William Lachica, Jr. hay una eon sa ikaywang pagbasa.
Nasayuran nga may kapareho man nga resolusyon nga gindihon si SB member Ronald marte nga naka-address kay Kalibo mayor Juris Sucro, apang ro request ni Lachica hay direkta sa chairman it Philippine Charity Sweepstakes Office ukon PCSO.
Ginrason it opisyal nga mabudlay sa mga bumbero nga nagaresponde sa mga insidente ukon aksidente nga ro andang daea nga saeakyan hay ro fire truck.
Aminado man sigon ro BFP-Kalibo nga kinahangean nanda it ambulansiya agud nga mas pang mapabaskog ro pagsabat sa emergency ag indi eon kinahangean nga maghueat sa MDRRMO sa pagtransport it mga biktima.
